Nagpabilin pa sa Northern Mindanao Medical Center ang usa ka lineman sa kuryente human mahagbong sa gikat-kat niining poste alas 11:00 ang takna sa buntag niadtong Domingo sa lungsod sa Catarman, probinsiya sa Camiguin.
Subay sa report nasayran nga ang nasangpit nga biktima buot mag-ilis ug suga sa poste sa maong lungsod sa dihang nahitabo ang maong aksidente.
Ang biktima giila nga si Ariel Ucab, 36 anyos, minyo ug sakop sa Camiguin Electric Cooperative nga nakabase sa lungsod sa Mambajao, sa maong probinsya.
Naangkon sa biktima ang samad ug bunol sa iyang ulo, ingon man usab bun-og sa iyang lawas human molagubo sa yuta.
Kasamtangan nga giatiman sa mga doctor sa maong balay tambalanan gumikan sa iyang naangkon bunga sa maong hitabo. Rey B. Cabaraban
Subscribe to:
Post Comments (Atom)
No comments:
Post a Comment